BUTANGGEH MULEI PILANGAN

Oleh : Haristov Aszadha, S.H / Pn. Ninggau Mergo Indai dang pai kuti jawoh Keminan ghik kemaman Ayah umi ghik atu, Sikam haga butanggoh Di unyin sai titengan Tabik pun kilu waktu… Adok ghadu ti cacak Terang dibidang suku Jak lunjuk panca haji, Kilu pai lapang teghak Jak pangkal tigoh juyu Pengatu nyembah kaki…… Ayah umi dang miwang Siji ghadu janjiku Ku tutuk unyin angan, Kekalau nasib rawan Tuwah nyepik di kuku Tigoh di akhir zaman….. nyak lapah layin suya jauh hati sai galang siji ghadu ku andi, Ki ngitung siji ganta tahun mak pigha limban di lom kepikan kuti.. Kuti adik ku sayang Iwon pai lom ngelangkah tiyongkon ayah - umi, minjak dang kemawasan tutuk gekhing ngebantah Kak ngeguai kesol hati…. Ki cawa gham mumalah Teliti dilom kata Dang haga pugang hati, Api retti ni kidah Serom mati di gula Ki kuti mak pahami…. Di kuti kaban nakan Dang pai lamon ighak Ki gham makkung mampu, Mati puasku andan Ganta kak radu balak Nemon pai nuntut ilmu…. Dang nutuk cara ganta Nyimpang anjak puranti Kak lamon nihan laku, Nutuk makai narkotika Nunda gham kughuk bui Ngeba miyanak malu…. Muli di unggak-liba Meghanai bidang suku Laju di indai kanca, Mak nyaman ana diya Kantu wat nyimpang laku mahap pun ngalimpura…. Induh kapan gham tungga Ki lapah ninuk waktu Busandang lamon ghasan, Selalu nyak bedua kuti butungga judu sesuai di harapan….. Makdok ku nyehaja Di kemaman dan keminan Kelama serta lebu, Kantu mak nyaman diya Kuti sai makkung nyesan Mak nyadang kipak dughi….. Terakhir penghabisan Di batin bidang suku Serta unyin uloman, Sikam kilu bimbingan Mak nyaman di ya perlu Wat salah semahapan Bismillah ku mulai langkah Labuhanratu sai ku tuju Ya Allah kilu berkah Dekop nyak dilom Lindungan-Mu……